“UzumMarket” jamoasi mamlakatning minglab aholisi o‘rtasida so‘rov o‘tkazdi va ayollar nimani xohlashlarini hamda bu yil hamkasblar, onalar, buvilar, opa-singillar, dugonalar, rafiqalar va qizlar uchun qanday sovg‘alar tayyorlanayotgani bilan qiziqdi. Bu yil eng istalgan sovg‘alar gullar, taqinchoqlar va kiyim-kechaklar bo‘ldi. E’tiborlisi — o‘zbekistonliklar bu bayramga hatto Yangi yildan ham ko‘ra jiddiyroq tayyorgarlik ko‘rar ekanlar — so‘ralganlarning yarmidan ko‘prog‘i sovg‘alarni oldindan xarid qilishlarini bildirdilar.

Mamlakat ayollari orasida bu yil eng ko‘p kutilayotgan sovg‘a iPhone bo‘ldi — so‘ralgan qizlarning har to‘rttasidan biri u haqda orzu qiladi, ikkinchi o‘rinda kamtarroq tanlov — gullar, yetakchi uchtalikni taqinchoqlar va kiyim-kechak yakunlaydi. Va bu ro‘yxat amalda bayramoldi xaridlar rejalariga butunlay muvofiq keladi: gullar, kiyim-kechak va taqinchoqlar bu yil O‘zbekistonda 8-martga rejalashtirilayotgan sovg‘alarning yetakchi uchtaligini tashkil qiladi. iPhone esa, 8-mart uchun mashhur sovg‘alar ro‘yxatiga kirmadi — uni so‘ralganlarning 9%gina hadya qilishni rejalashtirgan.

So‘rovlar natijalarini “UzumMarket” marketpleysining statistikasi ham tasdiqlaydi: keyingi ikki haftada ayollar liboslari va aksessuarlariga talab fevralning birinchi ikki haftasiga nisbatan 50%ga o‘sdi. Shuningdek, bayramoldi kunlarida eng mashhur torvalar sirasiga Merci konfetlari, simsiz quloqchinlar va go‘zallik uchun turli tovarlar kirdi, zero qizlar uchun bayram kuni yuqoriroq turish muhimdir.