Kompaniya tarixi

2025-yil Uzum uchun faol o‘sish va kengayish yili bo‘ldi. Ekotizim raqamli va logistika infratuzilmasini rivojlantirish, xususiy foydalanuvchilar va biznes uchun yangi xizmatlarni ishga tushirish va xizmatlar sinergiyasini kuchaytirishni davom ettirdi. Bir yil ichida Uzum foydalanuvchilari soni uchdan bir qismga ko‘payib, 20 million kishidan oshdi.

Uzum raqamli ekotizimi strategik investitsiya raundi doirasida 130 mln dollardan ortiq mablag‘ jalb qildi. Yetakchi investor O‘mon Sultonligi suveren investitsiya fondi bo‘ldi, shuningdek, moliyalashtirish raundida kompaniyaning joriy investorlari: VR Capital, Tencent va FinSight Ventures ishtirok etdi. Bitim kompaniyaning aksiyadorlik kapitaliga investitsiyalarni va tizimli moliyalashtirishni o‘z ichiga oladi. Bitim doirasida Uzum ekotizimining investitsiyalarni jalb qilishdan oldingi (pre-money) bahosi 2,3 mlrd dollar darajasida qayd etildi.

Uzum Bank moliyaviy sohadagi yetakchi xalqaro nashrlardan biri bo‘lgan Global Finance tomonidan o‘tkaziladigan 33-har yillik Best Bank Awards 2026 mukofoti doirasida mamlakatning eng yaxshi banki deb topildi.

Moliyalashtirish mamlakatning raqamli moliyaviy xizmatlar bozorida yetakchi va eng tez rivojlanayotgan o‘yinchilardan biri bo‘lgan Uzum ekotizimining fintech yo‘nalishini rivojlantirishga yo‘naltiriladi. Uzum bilan hamkorlik YeOTBning mamlakat tashkilotga qo‘shilganidan keyin O‘zbekistonga kiritgan ilk sarmoyasi bo‘ldi.

Uzum Avto servisi ham avtodilerlar, ham xususiy foydalanuvchilar uchun bepul e’lonlar joylashtirib avtomobillarni olib-sotish ilovasini ishga tushirdi. Uzum Avto ilovasi sinov rejimida Andijon, Namangan va Farg‘ona viloyatlaridagi foydalanuvchilar uchun mavjud.

Milliy raqamli ekotizim yaqin yillarda O‘zbekistonning logistika va IT infratuzilmasini rivojlantirishga yana bir necha yuz million dollar yo‘naltiradi.

Uzum mamlakatning eng yirik soliq to‘lovchilaridan biri bo‘lib qolmoqda, bu esa raqamli servislar va platforma iqtisodiyotining mamlakat taraqqiyotidagi roli ortib borayotganini ko‘rsatmoqda.

2026-yil uchun yetakchi fintech kompaniyalarining global ro‘yxati CNBC tomonidan Statista tahliliy kompaniyasi bilan hamkorlikda tayyorlangan. Uzum milliy raqamli ekotizimi “Neobanking” toifasida e’tirof etildi.

Fitch Ratings xalqaro reyting agentligi Uzum’ning uzoq muddatli emitent defolt reytingini (IDR) barqaror prognoz bilan “B” dan “B+” ga oshirdi. Agentlik tahlilchilari Uzum’ning bank, fintech va e-commerce yo‘nalishlari o‘rtasidagi sinergiyaning o‘sishi va ekotizimning biznes profilining mustahkamlanishini ta’kidlamoqda.

Uzum ekotizimi 2024-yil yakunlarini sarhisob qilmoqda: yil davomida elektron tijorat aylanmasi 2,4 barobarga, umumiy berilgan muddatli to‘lov va mikroqarzlar hajmi esa deyarli uch barobarga oshdi.

Shahrisabz, Nurafshon, Guliston, Termiz va Xivada restoran va do‘konlardan tezkor yetkazib berish servisi yo‘lga qo‘yildi. Shu tariqa, Uzum Tezkor 25 ta shaharni qamrab olib, O‘zbekistonda eng keng yetkazib berish geografiyasiga ega servisga aylandi.

Uzum Market hamkorlar uchun logistika imkoniyatlarini kengaytirishda davom etmoqda. DBS (delivered by seller) ning yangi ish sxemasi sotuvchilarga tovarlarni nafaqat o‘z omborida saqlash, balki Uzum Market marketpleysining logistikasidan foydalanmasdan to‘g‘ridan-to‘g‘ri xaridorlarga yetkazib berish imkonini yaratadi.

Fitch Ratings xalqaro reyting agentligi birinchi marta Uzum milliy ekotizimining kreditga layoqatliligini baholadi. Kompaniya elektron tijorat va fintech sohalaridagi kuchli pozitsiyalari hamda barqaror moliyaviy ko‘rsatkichlari tufayli ijobiy prognoz bilan “B” reytingini oldi.

Uzum Bank Euromoney talqini bo‘yicha O‘zbekistonning eng yaxshi raqamli banki deb topildi

Uzum Bank nufuzli xalqaro Euromoney Awards for Excellence 2025 mukofotining “O‘zbekistonning eng yaxshi raqamli banki” nominatsiyasida g‘olib bo‘ldi. Uzum Bank ta’sirchan o‘sish sur’atlari, fintechning ekotizimga integratsiyalashuvi va keng auditoriya uchun zamonaviy yechimlarning mavjudligi uchun e’tirof etildi.

Uzum Xitoyning IT-giganti Tencent’ning O‘zbekistondagi kompaniyasiga kiritgan birinchi texnologik sarmoyasi bo‘ldi. Uzum mablag‘larni jalb qilgandan so‘ng yakuniy bahosi taxminan 1,5 milliard dollarni tashkil etdi.

Uzum milliy raqamli ekotizimi va barqaror, ilg’or raqamli infratuzilmaning global ishlab chiqaruvchisi DataVolt o’rtasida strategik hamkorlik memorandumi imzolandi. Hamkorlik O’zbekistonning raqamli infratuzilmasini rivojlantirish va bulutli xizmatlarni kengaytirish uchun sharoit yaratishga qaratilgan.

Uzum milliy raqamli ekotizimi dunyodagi eng istiqbolli 100 ta fintech kompaniyasini o’z ichiga olgan sakkizinchi yillik Fintech 100 reytingiga kirdi. Ushbu ro’yxat fintech kelajagini shakllantiradigan erta va o’rta rivojlanish bosqichidagi startaplarni birlashtiradi. Tanlov bir qator miqdoriy va sifat mezonlariga, jumladan, bitimlar faolligi, sanoat hamkorligi, investitsiya kayfiyati, ishga qabul qilish dinamikasi va CB Insights shaxsiy tahliliy ma’lumotlariga asoslanadi.

Series A raundida FinSight Ventures global venchur fondi (Intercom, ThoughtSpot, Automation Anywhere, Toss, GupShup, Razorpay, Bumble, Rappi, Carta va boshqalarga sarmoya kiritgan) yetakchi investor bo‘ldi, Xanara Investment Management (Hindistonning Fors ko‘rfazi mintaqasiga ixtisoslaslashgan boshqaruv kompaniyasi) esa raundga izdosh sifatida qo‘shildi.

Kapitalga kiritilgan investitsiyalar 50 million dollardan oshdi, ekotizim ilgari qarz mablag‘lari sifatida yana 50 million dollardan ko‘proq mablag‘ jalb qilgan edi.

Navoiyda Uzum Tezkor birinchi yirik ekspress-yetkazib berish servisiga aylandi.

Uzum e-commerce uchun mamlakatdagi eng yirik logistika majmuasi qurilishini boshladi.

Ekotizimga 2022-yilda tadbirkor Djasur Djumayev va o‘zbekistonlik hamkorlar tomonidan asos solingan.

Apelsin raqamli banki rebrending o‘tkazdi va ekotizimning bir qismiga aylandi.

Uzum Nasiya (ilgari Paymart) servisi ekotizimning bir qismiga aylandi.