Korzinka Go va Uzum Tezkor hamkorlik haqida e’lon qildi. Endi Toshkent shahri aholisi eng mashhur onlayn supermarketlar biri Korzinka Go’dan Uzum Tezkor orqali oziq-ovqat mahsulotlari va kundalik xaridlarni buyurtma qilishi mumkin.
Uzum Tezkor ilovasida Korzinka Go assortimentining 28 toifasida keltirilgan 10 mingdan ortiq mahsulotlari mujassam. Buyurtmalar Korzinka Go do‘kon-omborlarida yig‘ilib, Uzum Tezkor kuryerlari tomonidan yetkazib beriladi.
Bugungi kunda Korzinka Go do‘konlaridan Uzum Tezkor orqali faqatgina Toshkent shahrida yetkazib berilmoqda, kelgusida ushbu xizmatdan mamlakatimizning boshqa yirik shaharlarida ham foydalanish mumkin bo‘ladi. Uzum Tezkor ilovasida tovarlar narxi Korzinka Go do‘konlari narxlaridek ko’rsatilgan bo’lib, mijozlar hamkor tarmoqning barcha chegirma va aksiyalaridan foydalanishlari mumkin.
Biz 10 mingdan ortiq mahsulotlarni yanada arzonroq narxlarda taklif etib, oziq-ovqat yetkazib berishni imkon qadar qulay va foydali qilishga intilamiz. Uzum Tezkor allaqachon O‘zbekiston fuqarolarining sevimli xizmatlaridan biriga aylandi, shuning uchun bizning doimiy foydalanuvchilarimiz ham, Korzinka Go do’konlaridan ilk bor buyurtma qilayotgan iste’molchilarimiz ham umumiy xizmatimiz sifati va tezligini yuqori baholashlariga ishonaman.
Biz oziq-ovqat yetkazib berishga bo’lgan talab doimiy ravishda oshib borayotganini kuzatmoqdamiz va foydalanuvchilar uchun oziq-ovqat assortimentini kengaytirish ustida faol ishlamoqdamiz. Ma’lumotlarga ko’ra, Uzum Tezkor ilovasida oziq-ovqat do‘konlaridan kelgan buyurtmalar soni 50 foizga oshdi. Uzum Tezkor foydalanuvchilari Korzinka Go sevimli do’konlaridan unumli narxlarda sifatli mahsulotlarni tezkor yetkazib berish evaziga buyurtma qilish imkoniyatini yuqori baholashiga ishonamiz.
Buyurtmalarni Uzum Tezkor va Uzum Market ilovalari orqali amalga oshirish mumkin.