Yevroosiyo taraqqiyot banki (YeOTB) va O‘zbekistonning milliy raqamli ekotizimi Uzum hamkorlikni kengaytirmoqda: ekotizim uchun moliyalashtirish hajmi $70 milliondan $100 milliongacha oshirildi. Shu orqali bank O‘zbekistonning raqamli infratuzilmasini rivojlantirishni qo‘llab-quvvatlashda davom etmoqda.
Eslatib o‘tamiz, tomonlar dastlabki kredit shartnomasini 2026-yil may oyida imzolagan edi. Mazkur kelishuv O‘zbekiston YeOTBga qo‘shilganidan so‘ng bankning mamlakatdagi ilk investitsiyasi bo‘ldi.
Qo‘shimcha moliyalashtirish Uzum’ning fintech yo‘nalishini yanada rivojlantirish va jismoniy shaxslar hamda kichik va o‘rta biznes uchun raqamli moliyaviy xizmatlarni mamlakat bo‘ylab kengaytirishga yo‘naltiriladi. 2026-yilda Uzum Bank bank kartalarini topshirish hajmi o‘sishi bo‘yicha yetakchiga aylandi, bunda Uzum Market bozoridagi buyurtmalarning 50% dan ortig‘i allaqachon ekotizimning o‘z moliyaviy xizmatlari orqali to‘lanmoqda.
Soha yetakchilari bilan hamkorlikni kengaytirish YeOTBning O‘zbekistondagi faoliyatini kengaytirish rejalarini aks ettiradi. Raqamli platformalar — iqtisodiy infratuzilmaning asosiy elementlaridan biridir. Ularning o‘sishini moliyalashtirar ekanmiz, biz nafaqat muayyan kompaniyani qo‘llab-quvvatlaymiz, balki mintaqaning texnologik bog‘liqligiga va millionlab insonlar uchun moliyaviy xizmatlardan foydalanish imkoniyatlarini kengaytirishga investitsiya kiritamiz.
Mintaqadagi eng yirik moliyaviy institutlardan biridan moliyalashtirish hajmining oshirilishi, avvalo, so‘nggi oylarda erishgan natijalarimiz va investorlarning strategiyamizga bo‘lgan ishonchining tasdig‘idir. Biz har kuni millionlab insonlar foydalanadigan milliy miqyosdagi fintech infratuzilmasini barpo etmoqdamiz. Biz uchun Uzum’ning o‘sishi bilan birga O‘zbekiston raqamli iqtisodiyotiga yo‘naltirilayotgan xalqaro kapital hajmi ham ortib borayotgani ayniqsa muhim.
Bugungi kunda O‘zbekiston Yevroosiyodagi jadal rivojlanayotgan raqamli bozorlardan biri bo‘lib qolmoqda. Naqd pulsiz to‘lovlar ulushining ortishi, raqamli bank xizmatlarining rivojlanishi va yosh auditoriyaning yuqori faolligi umuman fintech sektori va raqamli iqtisodiyotning keyingi o‘sishi uchun qulay sharoit yaratmoqda.
Yevroosiyo taraqqiyot banki (YeOTB) — Yevroosiyo hududida investitsiya faoliyatini amalga oshiruvchi ko‘p tomonlama taraqqiyot banki. YeOTB 20 yildan buyon a’zo mamlakatlar o‘rtasidagi iqtisodiy aloqalarni mustahkamlash va kengaytirish, shuningdek, ularning har tomonlama rivojlanishiga ko‘maklashib kelmoqda.
2026-yil iyun oyi oxiriga kelib, YeOTBning jamlangan portfeli 348 ta loyihani tashkil etib, investitsiyalarning umumiy hajmi $22,1 milliardga yetgan. Bank portfelining asosiy qismini transport infratuzilmasi, raqamli tizimlar, yashil energetika, qishloq xo‘jaligi, sanoat va mashinasozlik sohalaridagi integratsion samaraga ega loyihalar tashkil etadi. O‘z faoliyatida Bank BMTning Barqaror rivojlanish maqsadlari va ESG tamoyillariga amal qiladi.
YeOTB 2022–2026-yillarga mo‘ljallangan Strategiya doirasida 3 ta megaloihani amalga oshirmoqda: “Markaziy Osiyoning suv-energetika majmuasi”, “Yevroosiyo transport karkasi”, “Yevroosiyo tovar yetkazib berish tarmog‘i”.
Uzum haqida
Uzum — O‘zbekistonning raqamli ekotizimi bo‘lib, jismoniy shaxslar va biznes uchun fintech, e-commerce va bank servislarini birlashtiradi. Ekotizim xizmatlaridan har oy O‘zbekistonning 20 milliondan ortiq aholisi foydalanadi.